Samkankook ka menné gran rèstoran a kaz a zòt.
Silon sa zot pisimé, nou ké voyé chèf an nou owa zòt. Zòt ké pé blèz kò a zòt , padavwa sé nou kay owganizé tout biten ba zòt .
Ékip annou kay ba zòt pla ki pran souf owa lèspri karibéen pou bokanté épi fanmi a zòt kon zanmi a zòt. Nou ké fè tousa kifo pou lésé kyuizin a zòt pwòp, é pou pa terbolizé zòt pou évennman lasa.
Avè Samkankook sèten swaré a zòt ké ozuil penpan penpan é san pwoblèm, nou pé jwen nou pou gadé kijan owganizasyon-la ké fèt silon lajan ou pé mét adan swaré lasa. Otila zòt ké pé chwazi sé pla-la èvè sé zengrédian-la. nou ké fè on lis a tousa i adan kyuizin a zòt pou nou sav sa nou pou pran.
Nou ka sèvi é pwodui lokal lokal, épi agrikiltè ka travay ban yo menm. Nou sa réponn tout mès é labitid zot ni épi manjé. Di nou si zot ni on espésialité adan manjé a zòt.